लाचखोर पोलीस उपअधीक्षकाचा अटकपूर्व जामीन फेटाळला

सोलापूर (प्रतिनिधी) – रेश्‍मा पडेकनूर खून प्रकरणातील साक्षीदारांना गुन्ह्यात आरोपी न करण्यासाठी पाच लाख रुपये लाचेची मागणी करणाऱ्या कर्नाटकातील पोलीस उपअधीक्षक महेश्‍वर गौड-पाटील यांचा जामीन अर्ज न्यायालयाने फेटाळला आहे.

रेश्‍मा पडेकनूर खून प्रकरणात नगरसेवक तौफिक शेखसह पाचजणांवर खुनाचा गुन्हा दाखल झाला आहे. रेश्‍मा व तौफिक यांच्यातील वाद मिटविण्यासाठी सामाजिक कार्यकर्ते समीउल्लाह शेख यांनी मध्यस्थाची भूमिका बजावली होती. या प्रकरणात आरोपी न करण्यासाठी कर्नाटक पोलिसांनी समीउल्लाह यांच्याकडे लाचेची मागणी केली.

पहिला हप्ता घेण्यासाठी मल्लिकार्जुन शिवय्या पुजारी (वय 36, पोलिस हेडकॉन्स्टेबल) व रियाज खासिमसाहब कोकटनूर (वय 34, खासगी इसम) हे दोघे 22 ऑगस्ट रोजी रात्री सोलापुरात आले होते.
हवालदार पुजारी याने पोलीस उपअधीक्षक पाटील यांच्याशी समीउल्लाह यांचे फोनवरून बोलणे करून दिले.

पाटीलच्या सांगण्यावरून समीउल्लाह यांनी पुजारी आणि कोकटनूर या दोघांकडे एक लाख रुपये दिले. त्यावेळी लाचलुचपत प्रतिबंधक विभागाने लाचेची रक्‍कम स्वीकारताना दोघांना रंगेहात पकडले होते. याप्रकरणी सदर बझार पोलीस ठाण्यात गुन्हा दाखल करण्यात आला होता. यात कर्नाटकातील पोलीस उपअधीक्षक महेश्‍वर गौड-पाटील याने सोलापूरच्या न्यायालयात अटकपूर्व जामीनासाठी अर्ज दाखल केला होता. तो अर्ज न्यायालाने फेटाळून लावला.

TheLogicalNews

Disclaimer: This story is auto-aggregated by a computer program and has not been created or edited by TheLogicalNews. Publisher: Dainik Prabhat

Leave a Reply

Your email address will not be published. Required fields are marked *