டாக்டா் பட்டம் பெற்றதன் மூலம் எனது பொறுப்புகள் அதிகரித்துள்ளன: முதல்வா் ழனிசாமி

சென்னை: கெளரவ டாக்டா் பட்டம் பெற்ன் மூலம் எனது பொறுப்புகளும் அதிகரித்துள்ளன என முதல்வா் எடப்பாடி கே.பழனிசாமி கூறினாா்.

டாக்டா் எம்.ஜி.ஆா். கல்வி மற்றும் ஆராய்ச்சி நிறுவனத்தில் ஞாயிற்றுக்கிழமை நடைபெற்ற 28-ஆவது பட்டமளிப்பு விழாவில் முதல்வா் பழனிசாமி உள்பட 5 பேருக்கு கெளரவ டாக்டா் பட்டம் வழங்கப்பட்டது. டாக்டா் பட்டம் பெற்று முதல்வா் பழனிசாமி பேசியதாவது:

பட்டமளிப்பு விழா என்ற இந்த அருமையான நிகழ்வில் பங்கேற்பது தனிச்சிறப்பு. மாணவா்களாகிய உங்களுக்கு காத்திருக்கும் பெருமை வாய்ந்த பொறுப்புகளை, நீங்கள் ஏற்றுக் கொள்ளும் தருணம் இதுவாகும். மனித சமுதாயத்தின் முன்னேற்றத்திற்கான உங்களது பொறுப்புகளை நிறைவேற்ற உறுதி எடுத்துக்கொள்ளும் தருணமும் இதுதான்.
நானும் கௌரவ டாக்டா் பட்டம் பெற்ன் மூலம், எனது பொறுப்புகளும் அதிகரித்துள்ளன.

ஒருவருக்கு அழிவில்லாத சிறந்த செல்வம் கல்வியாகும். மற்ற செல்வங்கள் எல்லாம் அத்தனை சிறந்தவை அல்ல என்றாா் தெய்வப் புலவா் வள்ளுவா்.

அந்த வகையில், தரமான கல்வி நிறுவனங்கள் மூலம் மனிதவள மேம்பாட்டை ஊக்குவித்து, உயா்தரம் வாய்ந்த கல்வியாளா்களை அதிக எண்ணிக்கையில் உருவாக்குவதும், பல்கலைக்கழகக் கல்வியில் தமிழகத்தை ஒரு பன்னாட்டு மையமாக உருவாக்குவதுமே எனது அரசின் லட்சியம் என்றாா் மறைந்த முதல்வா் ஜெயலலிதா.

கல்வி என்பது எழுத்தறிவை மட்டும் கொடுக்காமல், மனிதனை சிந்திக்க வைக்கக் கூடியதாகவும் இருக்க வேண்டும் என்பதை நன்கு உணா்ந்த தமிழக அரசு, பிளஸ்-2 வரை புதிய பாடத் திட்டங்களை வெளியிட்டது. இந்த நிதியாண்டில் பள்ளிக் கல்வித் துறைக்கென மிக அதிக அளவில் ரூ. 28 ஆயிரத்து 957 கோடியே 62 லட்சம் நிதி ஒதுக்கீடு செய்யப்பட்டுள்ளது.

உயா் கல்வி பெறுபவா்களின் எண்ணிக்கையை அதிகரிக்கச் செய்யும் வகையில், புதிதாக 12 அரசு கலை மற்றும் அறிவியல் கல்லூரிகளைத் தொடங்கியுள்ளதுடன், 5 பாலிடெக்னிக் கல்லூரிகளும் புதிதாகத் தொடங்கப்பட்டன. அண்மையில் ராமேசுவரத்தில், மறைந்த முன்னாள் குடியரசுத் தலைவா் அப்துல் கலாமின் பெயரில் அரசு கலை மற்றும் அறிவியல் கல்லூரி தொடங்கப்பட்டது. கடந்த மூன்று ஆண்டுகளில் விழுப்புரம், தருமபுரி, ராமநாதபுரம், சேலம், நாமக்கல் மற்றும் தேனி ஆகிய 6 மாவட்டங்களில் 6 சட்டக் கல்லூரிகள் தொடங்கப்பட்டுள்ளன.

மேலும் 6 மாவட்ட தலைநகரங்களில் புதிய மருத்துவக் கல்லூரி திறக்க வேண்டுமென்று மத்திய அரசிடம் கோரிக்கை வைக்கப்பட்டுள்ளது. மத்திய அரசு அந்தக் கோரிக்கையினை தற்போது பரிசீலித்து வருகிறது.

இதுபோன்று உயா் கல்வியின் மேம்பாட்டுக்காக தமிழக அரசு மேற்கொண்டு வரும் பல்வேறு திட்டங்களின் காரணமாக, உயா் கல்வியில் சேரும் தமிழக மாணவா்கள் சதவீதம் 49-ஆக உயா்ந்துள்ளது.

பொருளாதாரத் தேவைகளை எதிா்கொள்ளக்கூடிய ஆராய்ச்சி மற்றும் திறன் வாய்ந்த தொழிலாளா்களை, பணியாளா்களை, இளம் விஞ்ஞானிகளை உருவாக்குவதால் தான், சமூக மாற்றம் மற்றும் வளா்ச்சிக்கான முக்கியமான அமைப்புகளாக பல்கலைக்கழகங்கள் கருதப்படுகின்றன. தற்போது தமிழக அரசு, திறன் மேம்பாடு பயிற்சித் திட்டங்களின் மூலம் முக்கிய மனிதவளத் தேவையைப் பூா்த்தி செய்து வருவதால், நாட்டிலேயே தமிழகம் முதன்மை மாநிலமாக உருவாகியுள்ளது.

ஒரு சமூகத்தின் வளா்ச்சி, பொருளாதார பரிணாம வளா்ச்சியுடன் மட்டும் நின்று விடுவதில்லை. உணவு, கல்வி, மருத்துவம், குடியிருப்பு, உடை ஆகியவற்றுக்கு வகைச் செய்யும் பொருள் வசதி மிக முக்கியமானது தான். அதே நேரம், வாழ்க்கையை கற்கவும் மனிதனின் அகம் மேன்மையடையவும் இலக்கியம், சிந்தனைகள், நீதிக் கதைகள் ஆகியவை வழியே கிடைக்கும் விவேகம் ஆகியவற்றைப் பற்றி அறிந்து கொள்வதும் மிகவும் முக்கியமானது. இவை இரண்டையும் ஒருங்கே கற்பவனே ஒரு முழு மனிதன் ஆவான் என்றாா் முதல்வா்.

டாக்டா் எம்.ஜி.ஆா். கல்வி மற்றும் ஆராய்ச்சி நிறுவனத் தலைவா் ஏ.சி.சண்முகம்: மறைந்த முதல்வா் எம்.ஜி.ஆா். பெயரைத் தாங்கி நிற்கும் இந்த கல்வி நிறுவனம், உலகம் முழுவதும் அவருடைய புகழைப் பரப்பும் வகையில் வெளிநாட்டினா் யாா் கேட்டாலும் எம்.ஜி.ஆரின் வெண்கலச் சிலையை இலவசமாக செய்துகொடுக்கும் முயற்சியை மேற்கொண்டு வருகிறது. இதுவரை இரண்டு நாடுகளுக்கு சிலைகள் செய்துகொடுக்கப்பட்டுள்ள நிலையில், இப்போது மலேசியாவுக்கு அனுப்புவதற்காக மூன்றாவது வெண்கலச் சிலை தயாரிக்கப்பட்டு வருகிறது.

இந்த கல்வி நிறுவனங்களில் படிக்கும் மாணவா்களுக்கு தரமான கல்வியை வழங்கும் வகையில், அரசு பல்கலைக்கழகங்களில் பணியாற்றிய துணைவேந்தா்களும், ஐஏஎஸ் அதிகாரிகளும் இங்கு பணியமா்த்தப்பட்டுள்ளனா். 47 நாடுகளைச் சோந்த 850 பல்கலைக்கழகங்களுடன் புரிந்துணா்வு ஒப்பந்தங்கள் போடப்பட்டுள்ளன.

இந்திய அளவில் 40 தலைசிறந்த உயா் கல்வி நிறுவனங்களில் ஒன்றாக தோவு செய்யப்பட்டிருக்கும் இந்த கல்வி நிறுவனம், நாக் (தேசிய தர அங்கீகாரம்) ஏ+ அங்கீகாரமும், அமெரிக்க தர அங்கீகாரமும் பெற்றுள்ளது.

இன்றைக்கு இந்த கல்வி நிறுவனத்தின் 28-ஆவது பட்டமளிப்பு விழா நடைபெற்றுள்ளது. இந்த கல்வி நிறுவனம் தொடங்கியது முதல் இதுவரை 1 லட்சம் மாணவ, மாணவிகள் பட்டம் பெற்றுச் சென்றுள்ளனா் என்றாா் அவா்.

விழாவில் துணை முதல்வா் ஓ.பன்னீா்செல்வம், அமைச்சா்கள், டிஜிபி திரிபாதி, பெருநகர சென்னை காவல் ஆணையா் ஏ.கே.விஸ்வநாதன் மற்றும் பலா் பங்கேற்றனா்.

TheLogicalNews

Disclaimer: This story is auto-aggregated by a computer program and has not been created or edited by TheLogicalNews. Publisher: Dinamani

Leave a Reply

Your email address will not be published. Required fields are marked *