ଝାଡ଼ଖଣ୍ଡରେ ମୋଦୀଙ୍କ ପ୍ରଚାର; କହିଲେ ସଙ୍କଳ୍ପ ପୂରା କରେ ବିଜେପି

ରାଞ୍ଚି: ଝାଡ଼ଖଣ୍ଡରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ବିଜେପି ଜୋରଦାର ପ୍ରସ୍ତୁତି ଚଳାଇଛି। ଏହା ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜ୍ୟର ଡାଲ୍ଟନଗଞ୍ଜରେ ସୋମବାର ଦଳୀୟ ପ୍ରଚାର କାର୍ଯ୍ୟକ୍ରମରେ ଯୋଗଦେଇ ଏକ ରାଲିକୁ ସମ୍ବୋଧିତ କରିଛନ୍ତି। ମୋଦୀ କହିଛନ୍ତି, ଆଜି ଯଦି ସାରା ଦେଶରେ ପଦ୍ମ ଫୁଟିଛି, ତେବେ ଏହା ପଛରେ ଏଠାକାର ଜନସାଧାରଣଙ୍କ ବଡ଼ ଭୂମିକା ରହିଛି।
ଏଠାକାର ଆଦିବାସୀ ସମାଜ, ପଛୁଆ, ଦଳିତ, ବ୍ୟବସାୟୀ ସବୁ ବର୍ଗର ଲୋକ ବିଜେପି ସହିତ ଛିଡ଼ା ହୋଇରହିଛନ୍ତି।

ଅଯୋଧ୍ୟା ରାମ ମନ୍ଦିର ପ୍ରସଙ୍ଗରେ ପ୍ରଧାନମନ୍ତ୍ରୀ କହିଛନ୍ତି, ଭଗବାନ ରାମଙ୍କ ଜନ୍ମଭୂମି, ଅଯୋଧ୍ୟା ବିବାଦକୁ କଂଗ୍ରେସ ଦଶନ୍ଧି ଦଶନ୍ଧି ଧରି ଝୁଲାଇ ରଖିଥିଲେ। କଂଗ୍ରେସ ଚାହିଁଥିଲେ ଏହାର ସମାଧାନ କରିପାରିଥାନ୍ତା। କିନ୍ତୁ କଂଗ୍ରେସ ଏଭଳି କଲାନାହିଁ। କଂଗ୍ରେସ ନିଜର ଭୋଟ ବ୍ୟାଙ୍କ କଥା ଚିନ୍ତା କଲା। କଂଗ୍ରେସର ଏପରି ଚିନ୍ତାଧାରା ଯୋଗୁ ଦେଶ ଏବଂ ସମାଜର କ୍ଷତିସାଧନ ହେଲା। ମାତ୍ର ବିଜେପି ଯଦି କୌଣସି ସଙ୍କଳ୍ପ ନିଏ, ତେବେ ତାହାକୁ ପୂରା କରିଥାଏ। ଗରିବ-ଆଦିବାସୀ-ପଛୁଆ ବର୍ଗ, ଦେଶ ପାଇଁ ବଞ୍ଚୁଥିବା ସମସ୍ତ ବ୍ୟକ୍ତିଙ୍କ ସମ୍ମାନ, ମର୍ଯ୍ୟାଦା ଏବଂ ସାମାଜିକ ନ୍ୟାୟ ବିଜେପିର ପ୍ରାଥମିକତା ବୋଲି ମୋଦୀ କହିଥିଲେ। ମୋଦୀ ଆହୁରି କହିଥିଲେ, ଏଠାରେ ବିଜେପି ନେତୃତ୍ଵରେ ଏକ ସ୍ଥିର ଏବଂ ମଜଭୁତ ସରକାର ଗଠନ ହେବା ଜରୁରୀ। କାରଣ ଝାଡ଼ଖଣ୍ଡ ଯୁବାବସ୍ଥାରେ ରହିଛି। ବର୍ତ୍ତମାନ ରାଜ୍ୟକୁ ଯେଉଁ ନୂଆ ଦିଗ ମିଳିବ, ଝାଡ଼ଖଣ୍ଡର ଭବିଷ୍ୟତ ଉପରେ ତାହାର ବହୁତ ପ୍ରଭାବ ପଡ଼ିବ ବୋଲି ପ୍ରଧାନମନ୍ତ୍ରୀ କହିଥିଲେ।

TheLogicalNews

Disclaimer: This story is auto-aggregated by a computer program and has not been created or edited by TheLogicalNews. Publisher: The Samaja Odia

(Visited 1 times, 1 visits today)
The Logical News

FREE
VIEW
canlı bahis