നടരാജനും ഭാര്യയുമെത്തി, കുഞ്ഞു സമ്ബാദ്യം മന്ത്രിക്ക് കൈമാറാന്‍

‘പ്രളയ സമയത്ത് കൊടുക്കാനിരുന്നതാ സാറെ, ഇപ്പോ കുടുക്ക മൂന്നെണ്ണമായി. എത്രയുണ്ടെന്നെന്നും നോക്കിയിട്ടില്ല. കുടുക്ക നിറഞ്ഞപ്പോ ഇങ്ങോട്ട് പോന്നു.’ മുഖ്യമന്ത്രിയുടെ ദുരിതാശ്വാസ നിധിയിലേക്ക് തങ്ങളുടെ സമ്ബാദ്യക്കുടുക്ക കൈമാറാനായി ഉന്നത വിദ്യാഭ്യാസ വകുപ്പ് മന്ത്രി കെ.ടി ജലീലിന്റെ വളാഞ്ചേരിയിലെ വസതിയിലെത്തിയ വെന്നിയൂര്‍ കാച്ചടി സ്വദേശി നടരാജന്റെ വാക്കുകളാണിത്. ഭാര്യ രാധയോടൊപ്പമാണ് ഭാഗ്യക്കുറി വില്‍പ്പനക്കാരനായ നടരാജന്‍ മന്ത്രിയെ കാണാനെത്തിയത്.

മക്കളില്ലാത്ത ഇരുവരും വെന്നിയൂരില്‍ ഒരു വാടക വീട്ടിലാണ് താമസം. ചില്ലറത്തുട്ടുകളോടൊപ്പം സംസ്ഥാന സര്‍ക്കാര്‍ നല്‍കിയ ക്ഷേമ പെന്‍ഷനില്‍ നിന്നുള്ള ഒരു വിഹിതവും ദുരിതാശ്വാസനിധിയിലേക്ക് ഇവര്‍ കൈമാറി.
തുക കൈപ്പറ്റിയ മന്ത്രി കെ.ടി ജലീല്‍ ഇരുവരോടുമുള്ള സര്‍ക്കാരിന്റെ നന്ദിയും സ്‌നേഹവും അറിയിച്ചു.

മുഖ്യമന്ത്രിയുടെ വാര്‍ത്താ സമ്മേളനം പതിവായി തങ്ങള്‍ കാണാറുണ്ടെന്നും കഴിയുന്ന സഹായം ചെയ്യാന്‍ എല്ലാവരും മുന്നോട്ട് വരണമെന്നുള്ള അദ്ദേഹത്തിന്റെ ആഹ്വാനം ഏറ്റെടുക്കുകയായിരുന്നുവെന്നും ഇരുവരും പറഞ്ഞു. മഹാമാരിയുടെ കാലത്ത് തങ്ങളെക്കൊണ്ട് ആകുന്ന പോലെ നാടിന് താങ്ങാകാന്‍ കഴിഞ്ഞതിന്റെ സന്തോഷത്തില്‍ മന്ത്രിയോട് യാത്ര പറഞ്ഞിറങ്ങുമ്ബോള്‍ വിവിധ ആവശ്യങ്ങള്‍ക്കായി മന്ത്രിയെ കാണാനെത്തിയവരുടെ കണ്ണുകളും ഈറനണിഞ്ഞു.

TheLogicalNews

Disclaimer: This story is auto-aggregated by a computer program and has not been created or edited by TheLogicalNews. Publisher: Malayalam Express Online

(Visited 9 times, 1 visits today)
The Logical News

FREE
VIEW
canlı bahis